Ciidanka Xoogga Dalka oo Howlgal ka Fuliyay Gobolka Hiiraan

Published July 18, 2026 - Updated July 18, 2026

1 MIN READ

Wasaaradda Gaashaandhigga Soomaaliya ayaa sheegtay in Ciidanka Xoogga Dalka Soomaaliyeed, oo kaashanaya saaxiibbada caalamka, ay howlgal qorsheysan ka fuliyeen deegaanka Suullay, oo qiyaastii 17 kiiloomitir dhanka koonfureed kaga beegan deegaanka Teedaan ee gobolka Hiiraan.

Sida lagu sheegay war-saxaafadeedka, howlgalka waxaa lagu dilay 25 xubnood oo ka tirsanaa Al-Shabaab, halka 18 kalena lagu dhaawacay.

Warbixintu waxay sidoo kale sheegtay in afar xubnood oo ka tirsanaa Al-Shabaab ay isu soo dhiibeen Ciidanka Xoogga Dalka, kuwaas oo lagu kala magacaabay:

Aadan Maxamed Jimcaale (Cabbaas)
Ibraahin Aadan Daahir
Aadan Abshiir Cabdi
Nuurow Caawid Cali (Amiir)

Waxaa kale oo war-saxaafadeedku xusay in xubin kale oo ka tirsan kooxda uu ku dhintay goobta, kaddib markii uu ka cararay xubnihiisa isla markaana ay ciidamada la kulmeen.

Wasaaradda Gaashaandhigga ayaa sheegtay in howlgalka uu qeyb ka yahay dadaallada joogtada ah ee lagu wiiqayo awoodda Al-Shabaab, laguna ciribtirayo dhaq-dhaqaaqooda, iyadoo dowladda ay ballanqaadday in ay sii wadi doonto howlgalada ka dhanka ah kooxda.

Ciidanka Xoogga Dalka oo Howlgal ka Fuliyay Gobolka Hiiraan

Get Goobjoog updates

From the comments