Madaxweynaha Jamhuuriyadda Federaalka Soomaaliya, Xasan Sheekh Maxamuud, ayaa Qasriga Madaxtooyada Qaranka ku qaabilay Xoghayaha Guud ee Raabidada Caalamka Islaamka, ahna Guddoomiyaha Hay’adda Culimada Muslimiinta, Dr. Mohammed bin Abdulkarim Al-Issa.
Kulanka ayaa diiradda lagu saaray xoojinta xiriirka iyo iskaashiga Soomaaliya iyo Raabidada Caalamka Islaamka, iyadoo si gaar ah looga wada hadlay arrimaha la xiriira fahamka saxda ah ee Diinta Islaamka, ka hortagga fikirka xagjirka ah iyo xoojinta nabadda iyo wada noolaanshaha bulshada.
Madaxweyne Xasan Sheekh ayaa kulanka ku adkeeyay muhiimadda ay leedahay in la xoojiyo dadaallada lagu la-dagaallamayo fikradaha xagjirka ah iyo marin-habaabinta dhalinyarada, isagoo tilmaamay in iskaashi xooggan oo dhinacyada dowladda, culimada iyo hay’adaha Islaamiga ah uu muhiim u yahay ka hortagga fikirrada dhaawici kara nabadda iyo midnimada bulshada.
From the comments