Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, iyo wafdi uu hoggaaminayo ayaa maanta gaaray magaalada Belgrade ee dalka Serbia, halkaas oo si diiran loogu soo dhaweeyay.
Madaxweyne Xasan Sheekh ayaa inta uu ku sugan yahay Serbia kulan muhiim ah la yeelan doona Madaxweynaha dalkaas, Aleksandar Vučić. Kulanka ayaa diiradda lagu saari doonaa xoojinta xiriirka iyo iskaashiga Soomaaliya iyo Serbia, gaar ahaan dhinacyada siyaasadda iyo danaha labada dal.
Madaxweynaha Soomaaliya ayaa sidoo kale ka qaybgalaya shir heer sare ah oo lagu xusayo 65-guurada Shirkii Koowaad ee Dhaqdhaqaaqa Dalalka Aan Isbahaysiga Ahayn (Non-Aligned Movement), kaas oo magaalada Belgrade lagu qabtay sanadkii 1961-kii.
From the comments