NISA oo Muqdisho iyo nawaaxigeeda ku qabatay 11 xubnood oo lagu eedeeyay inay ka tirsanaayeen Shabaab

Published September 15, 2026 - Updated September 15, 2026

Akhris 1 daqiiqo ah

Muqdisho, 15 Sebteembar 2026 — Hay’adda Sirdoonka iyo Nabadsugidda Qaranka (NISA) ayaa sheegtay inay burburisay shabakado ay ku eedeysay inay ka tirsanaayeen Shabaab kuwaas oo la sheegay in loo diyaariyay inay si qarsoodi ah uga howlgalaan qaybo ka mid ah Muqdisho iyo nawaaxigeeda.

Sida lagu sheegay war kasoo baxay NISA, ciidamada ayaa howlgallo qorsheysan ka sameeyay Daarusalaam, Garasbaaley, Kaxda, Dayniile iyo Afgooye, iyadoo intii ay socdeen lagu qabtay 11 qof oo lagu tilmaamay inay ka tirsanaayeen shabakado kala duwan.

Hay’addu waxay sheegtay in dadka la qabtay loo diyaarinayay fulinta falal ay ku waxyeelleyn lahaayeen amniga iyo shacabka Soomaaliyeed.

Sidoo kale, howlgalada ayaa lagu qabtay hub iyo agab kale, kuwaas oo sida NISA sheegtay loo adeegsan lahaa fulinta qorshayaal amni-darro.

NISA ayaa sheegtay in howlgaladani ay qayb ka yihiin dadaallada joogtada ah ee hay’addu ku xoojinayso amniga caasimadda iyo ka hortagga qorshayaasha kooxaha hubeysan.

NISA oo Muqdisho iyo nawaaxigeeda ku qabatay 11 xubnood oo lagu eedeeyay inay ka tirsanaayeen Shabaab

Ka Hel Goobjoog Wixii Cusub

From the comments