Arrimaha Ganacsiga
Qiimaha shidaalka magaalada Muqdisho ayaa la sheegay inuu qiyaastii 15% kordhay toddobaadkii la soo dhaafay, xilli ay sii xoogeysanayaan xiisadaha ka jira Bariga Dhexe.
Qiimaha shidaalka magaalada Muqdisho ayaa la sheegay inuu qiyaastii 15% kordhay toddobaadkii la soo dhaafay, xilli ay sii xoogeysanayaan xiisadaha ka jira Bariga Dhexe.
Kororkan ayaa laga dareemayaa kaalimo shidaal oo kala duwan, inkastoo qiimaha lagu iibinayo uusan isku mid ka ahayn guud ahaan magaalada.
Warbixinta sheegtay kororkan ayaa xogteeda ku salaysay ilo kala duwan oo ay la xiriirtay, balse ma aysan soo bandhigin qiimihii hore iyo kan hadda ee halkii liitar.
Sidoo kale, lama shaacin celceliska qiimaha shidaalka ee suuqyada Muqdisho ama goobihii lagu sameeyey xog-ururinta.
Kororka waxaa lala xiriiriyey amni-darrada ka jirta marinnada muhiimka ah ee Bab al-Mandab iyo Hormuz iyo sare u kaca qiimaha shidaalka caalamka.
Carqaladaha ku yimaadda maraakiibta shidaalka ayaa kordhin kara kharashka gaadiidka, caymiska iyo muddada ay shixnaduhu ku soo gaarayaan Soomaaliya.
Marka kharashka soo dejinta ama gaadiidka badda kordho, ganacsatadu waxay inta badan kharashkaas u gudbiyaan macaamiisha.
Shidaalka oo qaaliyooba wuxuu saamayn ku yeelan karaa gaadiidka dadweynaha, qiimaha raashinka, korontada iyo badeecadaha kale ee gudaha magaalada lagu kala qaado, hase yeeshee, weli lama soo bandhigin xog rasmi ah oo muujinaysa heerka uu kororkani u saameeyey adeegyadaas ama sicirka guud ee suuqyada Muqdisho.
From the comments