Soomaaliya iyo Britain oo Ka Wada-hadlay Dib-u-habaynta Dhaqaalaha

Wasiirka Maaliyadda Soomaaliya, Biixi Iimaan Cige, ayaa kulan la yeeshay Safiirka Britain ee Soomaaliya, Charles King, iyagoo ka wada-hadlay arrimo la xiriira dib-u-habaynta dhaqaalaha Soomaaliya iyo xoojinta iskaashiga labada dal.

Kulanka ayaa sidoo kale diiradda lagu saaray fursadaha Soomaaliya uga bannaan maalgelinta la xiriirta isbeddelka cimilada iyo taageerada waaxda amniga.

Mas’uuliyiinta ayaa sidoo kale ka wada hadlay sidii loo sii xoojin lahaa xiriirka iyo iskaashiga Soomaaliya iyo Britain.