Goobjoog
Wararka Degdegga ah
Climate Summit Concludes•
Trade Deal Announced•
Tech Regulation Vote•
Market Rally Continues•
Supreme Court Ruling

Arrimaha Amniga

Taliyaha Ciidanka Dhulka XDS oo gaaray Baydhabo

Baydhabo: Taliyaha Ciidanka Dhulka Xoogga Dalka Soomaaliyeed, Sareeye Guud Saalax Cabdullaahi Cumar, oo ay wehliyaan saraakiil ka tirsan Ciidanka Xoogga Dalka Soomaaliyeed, ayaa maanta gaaray magaalada Baydhabo, oo ah xarunta…

Taliyaha Ciidanka Dhulka XDS oo gaaray Baydhabo

Published September 12, 2026 - Updated September 12, 2026

Akhris 2 daqiiqo ah

Baydhabo: Taliyaha Ciidanka Dhulka Xoogga Dalka Soomaaliyeed, Sareeye Guud Saalax Cabdullaahi Cumar, oo ay wehliyaan saraakiil ka tirsan Ciidanka Xoogga Dalka Soomaaliyeed, ayaa maanta gaaray magaalada Baydhabo, oo ah xarunta ku-meelgaarka ah ee maamulka Koonfur Galbeed Soomaaliya.

Taliyaha iyo wafdiga la socday ayaa garoonka diyaaradaha Shaati Gaduud ee magaalada Baydhabo waxaa ku soo dhaweeyay Taliyaha Qeybta 60-aad ee Ciidanka Xoogga Dalka Soomaaliyeed, Gaashaanle Sare Isxaaq Aadan (Isxaaq Berdaale) iyo saraakiil kale oo ka tirsan Ciidanka XDS.

Markii uu gaaray magaalada, Taliyaha Ciidanka Dhulka ayaa salaan sharaf ka qaatay cutub ka tirsan Ciidanka Xoogga Dalka Soomaaliyeed oo safnaa garoonka diyaaradaha.

Soo dhaweynta kaddib, Taliyaha Ciidanka Dhulka iyo saraakiisha socdaalka ku wehelinayay ayaa kulan gaar ah la qaatay saraakiisha Ciidanka Xoogga Dalka Soomaaliyeed ee ka howlgala magaalada Baydhabo iyo taliska Qeybta 60-aad.

Socdaalka Taliyaha Ciidanka Dhulka XDS ayaa qeyb ka ah dadaallada lagu dardar-gelinayo howlgalada ka dhanka ah kooxaha argagixisada, iyadoo sidoo kale diiradda lagu saarayo xoojinta awoodda iyo wada-shaqeynta ciidamada ka howlgala deegaannada maamulka Koonfur Galbeed Soomaaliya.

Kulamada iyo kormeerka Taliyaha ayaa la filayaa inay door muhiim ah ka qaataan dardargelinta howlgalada ciidamada iyo sugidda amniga deegaannada Koonfur Galbeed Soomaaliya.

Ka Hel Goobjoog Wixii Cusub

From the comments